香港文匯報訊（記者 梁靜儀）《2024 香港小姐競選決賽》大會昨日公布「最上鏡小姐」評判，同時率先頒發「友誼小姐」，由3號王汛文先拔頭籌奪得，她在台上更喜極而泣。今屆港姐競選決賽將於本月15日舉行，昨日大會安排15位候選佳麗會見「最上鏡小姐」評判，她們分別是曹敏莉、陳法蓉、朱凱婷、翁嘉穗及劉倩婷，其中曹敏莉因事未有出席。會上15位候選佳麗逐一出場自我介紹後，大會隨即率先公布由佳麗互選的「友誼小姐」。結果， 得獎佳麗是3號王汛文，並由陳法蓉代表致送花束，王汛文表現激動，更喜極而泣，有份投票給她的1號陳紫佟、2號倪樂琳及4號謝淑怡即上前為她拭淚，看來她的人緣相當不俗。王汛文事後受訪時坦言心情依然未平伏，她說：「因為呢幾日都冇去諗呢件事，因為我唔想有咩期望、失望，因為15個女仔好多個都有可能會攞獎，但在台上時好開心。（估計自己贏啲咩？）每個人都有自己的好處，其實『友誼小姐』每一個人都係，睇你嘅定義係咩，可能我嗰種類型啱佢哋，佢哋就揀我啦。（覺得自己冇乜殺傷力？）個個都冇殺傷力，個個都好Nice，可能我冇咁慢熱，鍾意搵人偈傾，又會盡量提點吓大家，可能我讚得佢哋多，佢哋就揀我。」說到過往得「友誼小姐」的佳麗大都三甲不入，她不信「魔咒」，認為只要你是好的話，任何獎都會給你。熱門佳麗2號倪樂琳和9號陳甜甜齊聲表示「友誼小姐」王汛文都是她們心目中的人選，倪樂琳讚王汛文性格好友善又會照顧人，陳甜甜就指王汛文有教她講廣東話，又請她吃蛋撻。距離決賽只有十多日，但陳甜甜的廣東話似乎未有太大進步，她笑說：「大家都知我啲廣東話比較搞笑，冇辦法，（對『最上鏡小姐獎』較有信心？）大家都好靚。」8號盧凱怡與11號梁嘉莹都被看好是三甲人選，問到她們會見完「最上鏡小姐」評判前後，對獎項可有信心？盧凱怡表示有信心，至於能否得獎就要視乎臨場的發揮。問到她覺得自己哪個部位最上鏡？她說：「我覺得自己的左臉上鏡，但暫時未搵到一個特定位置。」至於梁嘉莹就滿意自己的外表及燦爛的笑容，對自己有一定的信心。翁嘉穗不介意重提三角戀舊事評判之一翁嘉穗及劉倩婷表示都有幾個心水佳麗，但暫時不方便透露，她們都有交換意見。至於佳麗不諳廣東話又可有影響？二人表示不會受任何影響，畢竟「最上鏡小姐」還是看樣貌為主。另外，翁嘉穗被問到老公鄔友正是否有意報名參加《中年好聲音》？她笑說：「近來個個都問我，暫時唔係啦，不過佢有跟緊老師學唱歌，當畀自己一個目標。」問她可會介意當年的三角戀事件被翻舊賬？她說：「冇，間中都有翻吓出嚟，過咗去冇乜所謂，啲網民問到佢（指老公）佢就答，可能佢唔係好認識呢啲社交平台點樣運作。（點解老公有興趣做直播？）佢話內地好多老闆都咁做，主要都係商業推廣啫，我叫佢下次不用答網民。」